17 de maio: 3 grandes acontecementos

O vindeiro 17 de maio, os galegos e galegas estamos de triple celebración, por ser este día:

• O día das Letras Galegas: este ano adicado a María Mariño
• O día de Internet
• O día mundial das Telecomunicacións e da Sociedade da Información

Tamén os asociados/as da Asociación de Empresarios de Sada e As Mariñas poden participar na conmemoración deste día, participando no:

I CONCURSO DE INICIATIVAS

DA REDE DE DINAMIZACIÓN DA SOCIEDADE DA INFORMACIÓN

1.Título: GALISADA

2. Destinatarios/as

Empresarios/as pertencentes á Asociación de Empresarios de Sada e As Mariñas

Usuarios/as da Aula Aberta de Informática - sita nas dependencias da Asociación

3. Requisitos:

Os/as participantes propoñerán contidos para encher este blog, que estean relacionados cos productos e/ ou servizos propios do seu establecemento comercial ou da súa empresa, e como requisito terán que estar íntimamente ligados á realidade, historia e cultura galega.

Estas referencias, mediante colaboracións, reseñas, e texto xeral, publicarase no blog íntegramente en lingua galega, como punto de partida da celebración do Día das Letras Galegas.

3. Obxectivos:

• Fomentar o uso do Galego entre o tecido empresarial asociado.
• Promover o uso das novas tecnoloxías (ordenadores, cámaras dixitais, internet) por parte dos/as empresarios/as asociados/as.
• Dinamizar a presenza dos/as comerciantes, hosteleiros/as e sector industria, na rede baixo dous criterios fundamentais: productos propios do seu establecemento e que teñan unha ampla e/ ou expecial relación coa lingua galega e coa tradición cultural de Galicia.

4. Desenvolvemento:

A Dinamizadora da Sociedade da Información contactará co tecido empresarial mediante visitas ás empresas nas que lles transmitirá a idea do concurso, recollendo in situ os datos necesarios para participar, cubrindo un rexistro con cada aportación:

a) producto e/ou servizo que desexa engadir ao blog

b) xustificación de porque lle resulta importante introducirlo

c) texto a engadir

d) determinar se acompaña o texto, con algunha imaxe, fotografía, etc.

Intentarase en todo momento, que a participación dos/as destinatarios/as sexa a máxima posible, que participen activamente, na edicción das súas propias entradas participantes no concurso, para o que se lles proporcionará a clave de acceso, apoio da dinamizadora e as instalacións da Aula Aberta.

4. Premios

Os premios corren a cargo da Rede de dinamización da Sociedade da Información e serán de carácter tecnolóxico: pen-drives, e outros (camisetas, axendas, porta-cds...).

5. Valoración

A elección do gañador virá determinada pola implicación no concurso, a orixinalidade, creatividad e, se é o caso, polos comentarios recibidos cada proposta, experiencia ou iniciativa.

A valoración levarase a cabo no mes de xuño de 2007.

6. Prazo ==> amplíase ata o 8 de xuño 2007 (último día)

Recolleranse propostas para incluir ao blog: http://galisada2007.blogspot.com ata o 8 de xuño de 2007